Jangk doch met mir ens durch Kölle

M u T: R. Hömig, W. Breuer,
Verlag: Pavement Musikverlag
Moeve Musikverlag
ISRC: DE-D19-09-00053

Refrain:
Jangk doch met mir ens durch Kölle
Bliev doch ens stonn un hür zo
Dann hürt mer Kölle verzälle
Wie et he bei uns wirklich wor…

Vers 1
Janz Kölle es en Baustell zick jot 2000 Johr
Jetz buddele se an de U-Bahn …dofür sin de Mittel do
Mir sin ja schließlich Großstadt…en Milionenstadt vun Welt
Nur für dat Denkmol Päd am Heumarkt
Dofür fehlt uns jetz et Geld

Mir bauen multikulti en prächtige Moschee
Un GEW dat heiß op einmol Rheinenergie
Nur dat kleine Rievkoochebüdche am Bahnhof visavis
Dat jitt et hück nit mie
Un dat deit wie !!!

Refrain: Jangk doch met mir ens durch Kölle

Vers 2
do kütt mer an et stolpere…üver die Stolperstein
in dene Hüser woren och ens kölsche Lück doheim
jeder hät ne Name…der steht in Messing drop
und dat is av jetz versproche
Mir luure nit mie fott

Refrain…Jangk doch met mir ens durch Kölle

Köln, 04.01.2012