Do hänge mir dran ...

cover_do_haenge_mir_dran.jpg

© Reiner Hömig / Wolly Breuer

 

Der eine kütt uss Ihrefeld, der andere kütt uss Kalk

Aha - aha...

Egal wo de geboore bis, do weeds de miestens alt

Aha - aha...

Do ha mer Vater Mutter Kind gespillt, mim Hungk vun neven aan

Aha - aha...

Da wo mer all uns Fründe han… do han mer vill gelaach

Un beim fiere - de Naach zom Daach gemaat

 

Refrain:

Jede Kölsche hät im Hätz e Stöck vun Kölle

Jo da hänge mir draan…jo do hänge mir draan

Un dann dun mer uns von fröher jet verzälle…

Jo da hänge mir draan…jo do hänge mir draan

Un dann jon mer över de Schildergass spaziere

Jo da hänge mir draan…jo do hänge… mir draan

Doch am leevste dun mer Fastelovend fier-hi-re

Jo da hänge mir draan… do hänge hänge mir-hänge mir draan.

 

Dat kleine 1 x 1 … künne mer nur op kölsch

Aha - aha...

Dat han mer op de Stroß geliert,  met de Muttermilch

Aha - aha...

Die Färve rut und wieß han mer in de Fahn

Aha - aha...

Un wenn mer unsere Dom nit sin… dann sin mer nit joot draan

Denn et Heimweh fängk glich hinger Kölle aan

 

Refrain: Jede Kölsche hät em Hätz...

Köln, 22.10.2014